<><><>
ပလန်ဘီလည်း မရှိဘူး
ပလန်စီလည်း မထားဘူး
နိုးပလော်ပလန်ဆိုရင်
ဒိုးသာဒိုး ဒူးသာဒူး
ငဗစ်နဲ့ ယှဉ်တွဲနေထိုင်ရခြင်းဆိုတာ
စွန့်စားခန်းရုပ်ရှင်တွေမှာပါတတ်တဲ့
ဖြတ်ပြေးတောရိုင်းကောင်လေးလောက်
ဖီလင်မလာဘူး
အဲဒီတော့
လောလောဆယ်ဆယ်မှာ
အပိုင်ရထားတဲ့ ဂူနှစ်ပေါက်ဟာ
ကျယ်ဖို့ပဲ အကြောင်းဖန်လာတယ်
ဟိုဟာလုပ်ချင် ဒီဟာလုပ်ချင်တဲ့စိတ်
ထိန်းရခက်တာနဲ့ လွှတ်ထားပေးလိုက်တဲ့အခါ
ထောင့်တထောင့်မှာ အသာလေးငြိမ်သွားတယ်
နောက်နေ့ဘာဖြစ်မယ်မှန်းမသိနိုင်တဲ့ လောကမှာ
ပလန်ဘီ ပလန်စီများ ရေးဆွဲခြင်း သည်းခံ။
ကြာပေါ်
၂-နိုဝင်ဘာ-၂၀၂၁
No comments:
Post a Comment