မုန့်လုံးဆို ရေပေါ်၊ ဒီဖေကျော် အလွန်ကြိုက်
သင်္ကြန်မှာ သူ မအိုက်တယ်၊ ရေပုံးကိုပိုက်။
တစီးမှ အလွတ်မပေး၊ အငြိုးတေး လုံးဝမပါ
သည်အခါ သည်ကာလ၊ ညအမှောင်
ယောင်ယောင်သန်းလေမှ၊ ရေပုံးကိုချ။
သင်္ကြန်တွင်းမို့၊ သင်္ကြန်ထမင်း သင်္ကြန်ဟင်းစား
သင်္ကြန်သီချင်းနားထောင်၊ သင်္ကြန်အကကြည့်
သင်္ကြန်ပီတိတွေနဲ့၊ သင်္ကြန်စာတွေဖတ်
သင်္ကြန်တွေအကြောင်း ပြန်ပြောင်းပြောကြ
သင်္ကြန်ဇာတ်လမ်းထဲက၊ သင်္ကြန်မှာ မပျော်ရ
သင်္ကြန်မှာ မပါးရ၊ ဖလန်းဖလန်းမထရရှာတဲ့
သင်္ကြန်ချစ်တဲ့သူတယောက်အကြောင်း
စာနာကာ ကရုဏာသက်။
နောက်တနေ့မနက်၊ နေလည်းထွက်ရော
ခပ်မိုက်မိုက်ဒီဇိုင်းထွင်ကာ၊ အကြင် သင်္ကြန်ပိုးထသူသည်
ရေကစားရန် ပြင်ပါတော့သည်၊ ဘယ်သူ ဆူဝံ့ ဟန့်ဝ့ံပါမည်နည်း ။
ဖေကျော်
သင်္ကြန်အကျနေ့ ၁၃၇၇/၇၈
No comments:
Post a Comment