A. B.
C. D.
အဲဒီတုန်းက လပတ်စစ်တဲ့ မေးခွန်းကိုဖြေတဲ့အခါ မေးခွန်းတခုကို တွက်တာ အဖြေက မေးခွန်းထဲပါတဲ့ရွေးချယ်ရမယ့် အဖြေတွေနဲ့ တခုမှ မတူဘူး။ ဒါဟာ မေးခွန်းထုတ်တဲ့ဆရာမ မှားတာ ဖြစ်မယ်။ တွက်တာကို နှစ်ခါ သုံးခါပြန်တွက်ကြည့်လည်း အဖြေက ဒီအဖြေပဲ။ ကိုယ့်ကိုယ်ကိုယ် ယုံကြည်မှု အပြည့်နဲ့ အဖြေလွှာထဲ ချရေးပေးလိုက်တယ်။
- [ ] အဖြေ မပါပါ။
အမှတ်တွေ ပြောတဲ့အခါ ဆရာမက ရယ်မောရင်း ဆူပါတယ်။ ကိုယ်တွက်တာ မှန်တယ်လို့ လက်ခံရင်တောင်မှ ပေးထားတဲ့အဖြေထဲကပဲ ရွေးသင့်တယ်။ မေးခွန်းမှားရင် အမှတ်ပေးလိမ့်မယ်။ အဖြေ မပါပါလို့ မြန်မာလို မရေးသင့်။
ကိုယ်တိုင်အတွက်သာမက တခြားကျောင်းသူ ကျောင်းသားတွေပါ သင်ခန်းစာရသွားတဲ့အတွက် အတော်အကျိုးရှိသွားတယ်။
တက္ကသိုလ်တက်တဲ့အခါ အတွက်အချက်သင်တီချယ်တယောက်က သူကြုံခဲ့တဲ့ အတွက်အချက်ပါရဂူဆရာကြီးတယောက် တွက်ခိိုင်းတဲ့ အဖြေမရှိသော ပုစ္ဆာအကြောင်း ပြောပြတဲ့အခါ သဘောကျခဲ့တယ်။
- [ ] အဖြေ မရှိ(သေး)။
ခုနက တက္ကသိုလ်ဝင်တန်းမှာ တက်နေရင်း စာမေးပွဲကြီးနီးလာတဲ့အခါ စာတွေလုပ်ရတာများတော့ ခပ်ကြောင်ကြောင်တွေ ဖြစ်ကုန်ကြတယ်။ ဆရာ ဆရာမ စာသင်နေတုန်း ဟာသမပါ ရယ်စရာမပါလည်း ရယ်နေကြတဲ့အချိန်။
အဲဒီအချိန်မှာ သမိုင်းဘာသာရပ်က မေးခွန်းလေးတွေ လေ့ကျင့်ကြရတယ်။ နာမည်မခေါ်ဘဲ ဖြေနိုင်တဲ့သူက ထဖြေရတယ်။ တယောက်က ဖြေတာကို အဖြေမှားနေတယ်ဆိုပြီး ပြောသံကြားကြရတဲ့အခါ အဖြေက မှန်တယ်၊ အဖြေမှားနေတယ်လို့ ပြောတဲ့သူသာ အမှတ်မှားနေတာဖြစ်ကြောင်း ဆရာမက ရှင်းပြရတယ်။
- [ ] အဖြေ မှားနေတယ်။
အဖြေ မပါတာရယ်၊ အဖြေ မရှိတာရယ်၊ အဖြေ မှားနေတာရယ်။
ကျော်မောင်(တိုင်းတာရေး)
၆-နိုဝင်ဘာ-၂၀၂၄
No comments:
Post a Comment