ဒီဝန်ဆောင်မှုဟာ အတော်ကောင်းတဲ့ဝန်ဆောင်မှုဖြစ်တယ်။ စာကြည့်တိုက်တွေဆီ လူကိုယ်တိုင် သွားပြီး စာအုပ်တွေငှါးစရာမလိုဘဲ NLB Singapore ရဲ့ catalogue ကနေ စာအုပ်ရှာ၊ ငှါးပြီး အိမ်အရောက်ပို့ပေးဖို့ လိုအပ်တာလေးတွေ ဖြည့်ရုံပါပဲ။
NLB30 ဆိုတဲ့ နှစ်သုံးဆယ်ပြည့်အထိမ်းအမှတ်အနေနဲ့ စာအုပ်ပို့ခ ၈.၇၂ (၈ ဒေါ်လာအပေါင်း အခွန်) ပေးစရာမလိုတဲ့ တကြိမ်အခမဲ့ဝန်ဆောင်မှုကို အသုံးပြုကြည့်ခဲ့တယ်။ အိမ်အရောက်လာပို့ပေးတယ်။
လေးအုပ်ငှါးခဲ့တာမှာ တအုပ်ကို စောစောပြန်အပ်ခဲ့ပြီး ကျန်သုံးအုပ်ကို မနေ့ညကမှ ပြန်အပ်ခဲ့။
ပို့ခ ၈ ဒေါ်လာပေးရန်မလိုတဲ့ ဝန်ဆောင်မှုဟာ ဒီနှစ်ကုန်အထိသာ ဖြစ်တဲ့အတွက် အားလပ်ရက်တွေမှာ အိမ်ထဲမှာအောင်းရင်း စာဖတ်ချင်တဲ့စာကြည့်တိုက်အသင်းဝင်များအတွက် မနှေးအမြန်လုပ်ဆောင်သင့်တဲ့အရာပဲ ဖြစ်ပါတယ်။
စာကြည့်တိုက်အသင်း မဝင်ရသေးသူများအတွက် နီးစပ်ရာစာကြည့်တိုက်သွားပြီး အသင်းဝင်ဖြစ်ဖို့ မေးမြန်းနိုင်ကြပါတယ်။ စာကြည့်တိုက်တိုင်းရဲ့ ဝန်ထမ်းတွေဟာ သဘောကောင်းကြတာကို တွေ့ရပါလိမ့်မယ်။
ဟိုသွားဒီသွား လမ်းများတာထက် စာလေးပေလေးဖတ်ပြီး သုတ ရသ ယူနိုင်ကြပါကြောင်း။
ကျော်မောင်(တိုင်းတာရေး)
No comments:
Post a Comment